З 11 па 15 студзеня   праходзіў абласны  этап рэспубліканскіх алімпіяд па вучэбных  прадметах. Сямёра    пераможцаў  раённых этапаў дэманстравалі  свае веды. І як вынік – з абласнога  інтэлектуальнага спаборніцтва  трое нашых  удзельнікаў  вярнуліся  дыпламантамі  розных  ступеняў, а адна з іх у хуткім часе рыхтуецца  ўзяць прыступку рэспубліканскага алімпу.

Аліна Юрчанка не раз станавілася прызёрам раённых алімпіяд па прадметах.  І цяпер ёй шчодра «ўсміхнулася» фартуна –  дзяўчына ўзяла Дыплом I ступені на  абласной алімпіяде па беларускай мове і літаратуры.

Дыпломам III ступені ўзнагароджана Злата Шаўчанка. Яна таксама прадстаўляла наш раён у алімпіядзе па роднай мове.

На алімпіядзе  па працоўным навучанні наш  раён   прадстаўлялі дзевяцікласніцы Ганна Кісялёва, якая, дарэчы, прывезла дадому  Дыплом  III ступені, і Алена Кандрацьева. Дзяўчынка атрымала Падзяку.